بسم الله الرحمن الرحيم
حوار دار بين إتنين على الكورة ... هيعجبكوا إن شاء الله
--------------------------------------------------------------------------------
حوار دار بين إتنين على الكورة :
1 : مبروك لأنجولا
2 : مين أنجولا دي ؟
1 : مين أنجولا !!!! انت مش عايش في الدنيا دي ولا أية ؟ ! ؟
2 : لأ عايش بس متشرفتش بالست أنجولا دي قبل كدة .. عادي يعني مش المفروض إني أكون بعرف كل الناس .
1 : ههههههههههه شكلك كدة ملييكش في الكورة خالص
2 : هو الصراحة أنا فعلا مليش في الكورة خالص ، لأنها مش بتفيدني في حاجة ، وكمان أنا بستغرب أوي يا أخي اتين وعشرين لاعب قاعدين يجروا ورا كورة طب ما يشوفوا حد ابن حلال كدة زي الريس ما هيدي لكل لاعب مليون جنيه يشوفوا واحد ابن حلال كدة برضة يجيب لواحد كورة يلعب بيها بدل اما هما اتننين وعشرين لاعب قاعدين يتخانقوا على كورة واحدة ...
1 : ههههههههههههههههههههههههههههههههههههههههههههههه
واحد تاني في القاعدة : طب انت متعرفش إن أنجولا دة فريق ؟
2 : لا والله محدش قال لي قبل كدة ، أنا كنت فاكرها واحدة .
3 : هههههههههههههههه واحدة هههههههههههه ، طب تعرف الكاميرون ؟
2 : اه طبعا الكاميرون دي بلد .
3 : بلد هههههههههههههههههههههههههه ههههههههههههههه هههههههههههههههههههههههه دا انت مسخرة يا جدع ... امال انت بتضيع وقتك في أية أما انت ملكش في الكورة ؟
2 : أولا ً أنا مش بحب أضيع وقتي ، ثانياَ أنا لما بكون عاوز أضيع وقت كدة زي أما انت بتقول بحاول أضيعة في حاجة مفيدة برضة ، بمعنى لو افترضنا جدلاً إن في شيىء من المتعة في الفرجة على ماتش الكورة فدي متعة لا ولن تفيدني بأي شيئ بعد أما الماتش يخلص ، فأحسن إني أتمتع بأي حاجة يكون ليها فايدة ممتدة على سبيل المثال لا للحصر ممكن إني أقرأ كتاب ممتع يخليني أتمتع طول أما أنا بقراه وكمان هيفيدني أكيد بدون شك في المستقبل لأن القراءة أي ما تكون مفيدة الآن وبعد الآن ......
1 : يا جماعة حد يشوف عم الفيلسوف دة...ـ
3 : شوف يا عم الحج أنا هقوللك على حاجة انت مية مية خليك انت كدة على جنب وسيبنا إحنا نتكلم في الكورة على مزاجنا ...
2 : يا جماعة انا مش ضد الكورة بس في أولويات ، يعني عمر حد فيكو سمع إن سنغافورا زمان كان ليها في أي رياضة ولا ولا حتى في الكورة طبعا لأ , عارفين لية ؟ لأنها كانت مركزة على انها تكون من أفضل الدول وفعلا وصلت لدة وتخيلوا انها وصلت لدة وهي معندهاش مياه شرب نظيفة .... فأنا مش ضد الكورة لكن منجيش سايبين الأهم إلى حاجة أقل في الأهمية .... انا موافق إن إحنا نتحدى العالم في كل الرياضات بس قبل كدة نتحداهم الأول في الصناعة والزراعة والبحث العلمي والكلام دة , ولا أية ؟؟
1 : إحم .... إحم ... على فكرة يا جماعة الأخ شكلوا مش من هنا ....
3 : فعلا ... دا واضح إنه جاي من الزمن الجميل .... انت تعرف عبد الوهاب صح أكيد انت جاى من عنده هههههههههه يا عم الحج انت مسمعتش الشاعر اللى قال : ناموا ولا تستيقظوا ما فاز إلا النومو ~ وتثبتوا في جهلكم فالخير ألا تعلموا .
والشاعر التاني اللى رد عليه وقال : جوه البيت بره البيت خلي البانجو معاك ~ باكتة لذيذة تساوي بريزة تلف أربع جوانات ..... يا عم روح شوفلك جوان بانجو اضربه ولا شوف لك قرش حشيش أكسس بيه دماغك علشان متتعبش ....
2 : أعوذ بالله، أنا مقدرش أغيب عقلي اللى ربنا اداهولي ، مقدرش ربنا يديني نعمة وأنا أرفصها بإيدي , انتو اللى فوقوا من اللى انتو فيه دة أحسن ما تيجوا تندموا في وقت لا ينفع الندم ..... اعملوا من غير يأس من غير ما تفكروا في الإحباط ومتقلش اشمعنا انا ابدء بنفسك لأن إصلاح العالم يبدأ بنفسك
واعمل كما قال سيدنا محمد : ابدأ بنفسك ثم بمن تعول ..............
مع تحيات
محمد جمال
